Azərbaycanlı reper Donetskdə atəş altında qaldı - VİDEO

Rusiyada "Ptaxa" ləqəbi ilə fəaliyyət göstərən azərbaycanlı reper David Nuriyev və həmkarı "Andrey 3022" Donetsk vilayətində atəş altında qalıb.

News24.az xəbər verir ki, hadisə martın 8-də Moskva vaxtı ilə saat 19.20 radələrində baş verib. Bundan sonra musiqiçilərlə əlaqə saxlamaq mümkün olmayıb.

Məlum olub ki, onlar hadisədən əvvəl sosial media hesablarında canlı yayıma qoşulublar. Daha sonra yayımda silah səsləri eşidilib.
Reperlərin yaxın dostlarının sözlərinə görə, "Ptaxa" Donetskə humanitar yardımla bağlı və orada baş verənləri öz gözləri ilə görmək üçün gedib. Həmçinin, o, yeni klipi üçün bir neçə səhnə çəkmək niyyətində olub.