"Google" da mavi nişan funksiyasını tətbiq edəcək

Populyar axtarış sistemi "Google" doğrulama nişanı funksiyasını tətbiq etməyi hədəfləyir.

News24.az xəbər verir ki, şirkət bu yolla istifadəçilərini saxta reklamlardan uzaq tutmaq və onlara daha təhlükəsiz axtarış təcrübəsi təqdim etmək istəyir.

Doğrulama işarəsi URL-in üstündə və reklamçının adının yanında görünəcək. Bu işarəyə toxunmaqla istifadəçilər reklam üçün məsul olan təşkilatın məlumatlarına daxil ola biləcəklər.

Erkən sınaq mərhələsində olan yenilik məhdud istifadəçi qrupuna çatıb. Sözügedən funksiyanın nə vaxt geniş ictimaiyyətə təqdim ediləcəyi isə məlum deyil.

Qumral Əliyeva