"Adımızdan pul yığmasınlar" - Rəşad Dağlının ailəsi

Hazırda həbsxanada olan meyxanaçı Rəşad Dağlının ailəsi izləyicilərə müraciət ünvanlayıb. 

News24.az axşam.az-a istinadən xəbər verir ki, ifaçının oğluna aid olan instaqram səhifəsində yer alan paylaşımda onların adından dələduzluq edildiyi bildirilib. Meyxanaçının oğlu Yusif onun adından TikTok-da səhifə açılıb, pul yığıldığını qeyd edib:

"Xahiş edirəm, diqqətli olun. İstəmirəm kimisə aldatsınlar, adımdan pul yığsınlar. Əgər canlı yayım açsam, üzümü göstərəcəyəm və elə danışacağam".

O bildirib ki, açılan profildə canlı yayım zamanı onlara aid olan videolar göstərilir. 

Qeyd edək ki, Rəşad Dağlı qonşusu - 1979-cu il təvəllüdlü İsgəndər Mehdiyevi avtomobilində bıçaqla qətlə yetirib.