Ramiz Novruzun məzar daşı hazırlandı - Video

Xalq artisti Ramiz Novruzun məzar daşı hazırlanıb.

News24.az axşam.az-a istinadən xəbər verir ki, aktyorun qızı Şəfəq Novruz qəbir daşının görüntülərini sosial media hesabında paylaşıb.

"Yeni evin mübarək ata, nur içində yat. Yəqin ki, görürsən qıraqdan, xoşuna gələrdi məncə. Əsl sənətkar baş daşıdır. Bütün rollarını buraya yığmağa çalışdıq, televizor kimi. Eskizi isə Cavidan (R.Novruzun oğlu, aktyor Cavidan Novruz - red.) çəkib. Amma düşünürəm, danışa bilsən deyərdin ki, "Caki" burasını bir az belə, orasını bir az elə olsaydı daha yaxşı olardı. Həmişəki kimi. Amma əminəm Cavidan bu dəfəki tənqidinə görə hirslənməzdi. Söküb təzədən çəkərdi. Maddi, mənəvi əl-ələ verib belə bir iş çıxartdıq" deyə, o, paylaşımında yazıb.