Dövlət başçısı: "Heydər Əliyev türk dünyasını daha sıx birləşdirmək üçün əlindən gələni

"Heydər Əliyev türk dünyasını daha sıx birləşdirmək üçün əlindən gələni edirdi".

News24.az xəbər verir ki, bu barədə Azərbaycan Prezidenti İlham Əliyev Astanada Heydər Əliyev küçəsinin təntənəli açılış mərasimində bildirib.

"Kasım-Jomart Kemeleviç dedi ki, Heydər Əliyev qardaş qazax xalqına xüsusi münasibət və sevgi bəsləyirdi. Bu, həqiqətən belədir, mən bunun şahidiyəm. Ulu Öndər qazaxların ənənələrini, adətlərini yaxşı bilir, qazax xalqının mədəniyyətinə, onun çoxəsrlik tarixinə hörmət bəsləyir, qazaxlarla azərbaycanlıların qardaşlığını çox yüksək qiymətləndirirdi. O, (Ulu Öndər Heydər Əliyev – red.) türk dünyasını daha sıx birləşdirmək üçün əlindən gələni edirdi. Bu gün biz onun işinin, fəaliyyətinin nəticələrini, o cümlədən bunda görürük ki, türk dünyası birləşir”, - Prezident İlham Əliyev vurğulayıb.