Sezen Aksunun evinə basqın edən azərbaycanlı qadın deport edildi

Türkiyəli müğənni Sezen Aksunun evinə basqın edərək onu ölümlə hədələyən Azərbaycan əsilli qadın Lalə Arif deportasiya olunub.

News24.az xəbər verir ki, bu barədə Türkiyə mediası yazıb.

Bildirilib ki, onun haqqında “insanların asayişini pozmaq, təhdid etmək, təhqir etmək” maddəsi ilə başladılan iş icraata götürülüb.

Lalə Arif polis tərəfindən saxlanıldıqdan sonra ölkədən çıxarılıb.

Qeyd edək ki, Lalə Arif dəfələrlə Sezen Aksunun evinə basqın edərək onun mülkünə ziyan vurub, müğənniyə isə hədə-qorxu gəlib.