Bill Qeyts qlobal problemdən danışdı

Heyvandarlıq və kənd təsərrüfatında istifadə olunan gübrələr iqlim dəyişikliyinə təsir edən amildir.

News24.az xəbər verir ki, bu sözləri amerikalı sahibkar və xeyriyyəçi Bill Qeyts özünün Unconfuse Me podkastının efirində qeyd edib.

Qeyts deyir ki, insanların çoxu hələ də kənd təsərrüfatının qlobal istiləşmədə rolundan, xüsusən də heyvanlardan metan emissiyasından xəbərsizdir. "İqlimin bütün aspektləri arasında insanların ən az düşündüyü inəklər və gübrələrdir və bu, çətinliklərə səbəb olur" dedi sahibkar.

Qeyts əlavə edib ki, o, iqlim dəyişikliyi ilə mübarizə aparmaq üçün alternativ bitki əsaslı məhsullar istehsal edən şirkətləri dəstəkləyir. Xeyriyyəçi qeyd edib ki, bitki əsaslı ət istehsalçısı "Impossible" yaxşı bazar inkişaf strategiyasına malikdir, ona görə də o, şirkətin gələcəyinə nikbin baxır.

Aydan