Sumqayıtda içib atasını döyən şəxsə HÖKM OXUNDU

Sumqayıt şəhər Məhkəməsində atasına xəsarət yetirməkdə təqsirləndirilən  1988-ci il təvəllüdlü Məhəmməd İsmayılovun cinayət işi üzrə məhkəmə prosesi başa çatıb.  

News24.az-ın məlumatına görə, hakim Zaur Hacıyevin sədrliyi ilə keçirilən prosesdə təqsirləndirilən şəxsə hökm oxunub. Məhkəmənin hökmü ilə M. İsmayılov 7 ay azadlıqdan məhrum edilib.

İttihama görə, hadisə Sumqayıt şəhəri 76-cı məhəllə ərazisində yerləşən yataqxanda baş verib.

M.İsmayılov  ailə-məişət münasibətləri zəminində aralarında baş vermiş mübahisə zamanı atası Novruz Həzi oğlu İsmayılovu  vurub.  M.İsmayılovun barəsində Cinayət Məcəlləsinin 128-ci (qəsdən sağlamlığa xəsarət yetirmə) maddəsi ilə ittiham elan edilib.

Samir Əli