"Zahid Oruc "4-cü respublikanı" izah etsin" - Siyavuş NOVRUZOV

"Zahid Oruc hansı əsaslara görə 4-cü respublikanın qurulduğunu izah etsin".

News24.az xəbər verir ki, bunu Milli Məclisin iclasında Regional məsələlər komitəsinin sədri Siyavuş Novruzov deyib.

O əlavə edib ki, bu, dövlət üçün vacib məsələdir:

“Tarix birdir, tarixi inkişaf etdirən də birdir, ərazini işğaldan azad edən bəllidir. Bizim 4-cü respublikamız hələ olmayıb. Mən heç arzu da etmirəm ki, 4-cü respublikamız olsun. Çünki artıq var olan 3-cü respublikamız torpaqlarımızı işğaldan azad edib”.

Qeyd edək ki, Milli Məclisin bu gün keçirilən iclasında parlamentin İnsan Hüquqları komitəsinin sədri Zahid Oruc 4-cü respublikanın Qələbə tarixini milli “Müstəqillik günü” kimi rəsmiləşdirməyi təklif edib.

Fərid Azəri