İtkin düşən 12 yaşlı uşağın cəsədi TAPILDI

Tokatın Turhal rayonunda 2 gündür xəbər alınmayan 12 yaşlı Dursun Efe Andıçın cansız cəsədi tapılıb.

News24.az xəbər verir ki, bu barədə “Sondakika.com” məlumat yayıb.

Hadisə oktyabrın 23-ü, bazar ertəsi, Turhal rayonunda baş verib. Gürsel rayonunda anası Aslıhan Günəşlə yaşayan Şehit Dursun Üsul orta məktəbinin 6-cı sinif şagirdi Dursun Efe Andıç günorta saatlarında dərsdən evə gəldikdən sonra velosiped sürməyə çıxıb. Aslıhan Günəş axşam saatlarında  oğlu ilə mobil telefonla əlaqə saxlamağa çalışıb lakin, övladına zəng çatmayıb. Oğlu Dursun Efe ilə əlaqə saxlaya bilməyən ana Turhal Rayon Polis Şöbəsinə gedərək itkin düşmüş oğlu haqqında ərizə yazıb. İtkin xəbərin ardından polis qrupları rayonda axtarış başladıb.

Dursun Efenin bıçaqlanaraq öldüyü müəyyən edilərkən, hadisə ilə bağlı nəzarətə alınan cinayətkar Andıçı öldürdüyünü etiraf edib.

 Dursun Efe Andıçın cansız bədəni yarılma üçün Tokat Dövlət Xəstəxanasının meyitxanasına aparılıb. 

Faktla bağlı istintaq davam edir.

Ülkər Abdurahmanlı