Bu peşə sahiblərinin NƏZƏRİNƏ: Yeniləri ilə ƏVƏZLƏNƏCƏK

Gələcəyin üstünlük təşkil edəcək peşələri açıqlanıb.

19-cu əsrin sonu və 20-ci əsrin əvvəllərində baş verən sənaye inqilabı ilə yeni biznes sahələri və peşələr meydana çıxıb.

News24.az xəbər verir ki, bu barədə “Ntv haber” məlumat yayıb.

Məlumatda qeyd olunub ki,  o günlərin bir çox peşələri artıq həyatımızda yoxdur. Bəzilərinin adları eyni olsa da, iş şəraiti fərqlidir. Sənaye inqilabı və sonrakı texnoloji sıçrayışlar bizim bilmədiyimiz yeni imkanlar təqdim edib. İndi rəqəmsal dövrə keçidlə bir çox peşə və bildiyimiz yeni iş sahələri ilə tanış olmuşuq. Bəzi peşələr tarixə çevrilib, bəzi peşələrdə isə insan əməyi əvəzinə intensiv texnologiyadan istifadə edilməyə başlanıb.

İş həyatındakı bu inkişaflara paralel olaraq bütün dünyada dinamik struktur tələb edən peşə və texniki təhsilin əhəmiyyəti artır və gələcəyin peşələri formalaşır.

Gələcəyin peşələri ilə bağlı siayhı təqdim olunub.

Siyahıda virtual bazar idarəçiliyi, süni intellekt marketinqi, genetik iqtisadiyyat, alternativ qida və qidalanma mühəndisliyi, informasiya mühəndisliyi, internet mühəndisliyi, nano tibb həkimi və robot texnikası kimi peşələr qeyd olunub.

Ülkər Abdurahmanlı