Dövlət İmtahan Mərkəzi təmir işləri üçün tender elan edib

Dövlət İmtahan Mərkəzi Xaçmaz, Bərdə, Gəncə regional bölmələrinin inzibati binalarında təmir işləri üçün tender elan edib.

Dövlət İmtahan Mərkəzindən News24.az-a verilən məlumata görə, tender iştirakçılarına təklif olunur ki, öz tender təkliflərini möhürlənmiş və imzalanmış şəkildə ikiqat zərflərdə yazılı surətdə təqdim etsinlər.

Müqaviləni yerinə yetirmək üçün tender iştirakçıları lazımi maliyyə və texniki imkanlara malik olmalıdırlar. İddiaçılar tenderdə iştirak etmək üçün sənədlərini 3 may 2019-cu il saat 17:00-dək, tender təklifi və bank təminatını möhürlənmiş ikiqat zərfdə 16 may 2019 cu il saat 17:00-dək Dövlət İmtahan Mərkəzinə təqdim etməlidirlər.

Təklif zərfləri 17 may 2019 cu il saat 11:00-da yuxarıda qeyd olunan ünvanda açılacaq.