Biləsuvarda QƏZA: Sürücü və sərnişini xəsarət alıb

Biləsuvar rayonunda yol qəzası baş verib.

News24.az bildirir ki, hadisə rayonun Əsgərabad kəndində qeydə alınıb. 

Belə ki, "VAZ" markalı minik avtomobilinin "Kamaz" markalı yük avtomobilinə çırpılması nəticəsində iki nəfər xəsarət alıb. 

Bunlar minik avtomobilinin sürücüsü, 1989-cu il təvəllüdlü Mirsəid Cəfərov və sərnişini 2017-ci il təvəllüdlü Yusif Mustafayevdir. 

Onlar rayon xəstəxanasına çatdırılıb.

Faktla bağlı araşdırma aparılır.