![Firon məzarlarında baş verən müəmmalı ölümlər - ŞOK SƏBƏB](/uploads/posts/2023-12/arkeologlar-tek-cumlede-ozetledi-iste-fi.webp)
-
- 5-12-2023, 10:47
- 220
Firon məzarlarında baş verən müəmmalı ölümlər - ŞOK SƏBƏB
Firon məzarlarında baş verən müəmmalı ölümlərin səbəbi budurFironların məzarlarında müəmmalı ölümlərin səbəbi ilə bağlı maraqlı məlumatlar ortaya çıxıb.
News24.az BiG.AZ-a istinadən xəbər verir ki, Misirin Qədim Əsərlər üzrə Dövlət Naziri Zahi Havas fironların qalıqlarını narahat edən hər kəsin lənətləndiyi əfsanəsi ilə bağlı mühüm açıqlamalar verib. Ölümlərin elmi bir səbəbi ola biləcəyinə inandığını deyən Havas, ölən arxeoloqların məzarlara girdikləri və mikroblara məruz qaldıqları üçün öldüklərini ifadə edib.
Uzun müddətdir ki, mumiyalanmış fironların lənətinin onların qalıqlarını narahat edən hər kəsə təsir etdiyinə inanılır. Bu "lənətin" qəbir açan arxeoloqlarda bədbəxtlik, xəstəlik və hətta ölümə səbəb olduğu deyilir. Ölənlər arasında 1923-cü ildə məzarı açdıqdan sonra ağcaqanad dişləməsindən ölən, Firon tədqiqatlarının maliyyə dəstəkçisi Lord Karnarvon da var idi.
Digərləri arasında 1923-cü ildə türbəyə baxdıqdan sonra sətəlcəmdən vəfat edən amerikalı maliyyəçi Corc Cey Quld, Londonda mumiyanın rentgenini çəkdikdən sonra ölən ser Arşibald Douqlas Reid və 1935-ci ildə infeksiyadan vəfat edən amerikalı arxeoloq Ceyms Henri Breasted var.