Qızı olacağını eşidib ölkədən qaçdı

Çinli kişi Taylandda nişanlısının qız uşağına hamilə qaldığını öyrənən kimi ölkədən qaçıb.

News24.az publika.az-a istinadən xəbər verir ki, bu barədə "The Thaiger" məlumat yayıb.

36 yaşlı Noi adlı qadın qonşusunun tövsiyəsi ilə 42 yaşlı çinli ilə tanış olub.

O, kişinin subay olduğunu və onun uzaq qohumu olduğunu bildirib. Aprel ayında onlar onlayn ünsiyyət qurmağa başlayıblar. İyul ayında kişi Taylanda gələndə bir həftə birlikdə olublar.

Daha sonra ailəsini Çindən gətirərək Noiyə evlənmək təklif edib. Cütlük toydan əvvəl birlikdə yaşamağa razılaşıb, kişi isə sevgilisinə uşaqları cinsindən asılı olmayaraq çox istədiyini söyləyib.

Beləliklə, onlar toyu sentyabrın 9-na təyin edib, hazırlıqlara başlayıblar. Kişi mərasimin pulunu gəlindən istəyib və pulu sonra qaytaracağına söz verib. Taylandlılar bununla razılaşıblar və təxminən 100 min baht (təxminən 4,203 AZN) xərclənib.

Uşağın cinsiyyətini öyrənən Noi bu şad xəbəri gələcək ərinə - uşağının atasına deyib. Çinli ata isə qızı olacağını eşidər-eşitməz dərhal toy mərasiminin təxirə salınmalı olduğunu bildirib. O, sonra taylandlı sevgilisi ilə bütün əlaqəni kəsib.

Sonra taylandlı qadın anlayıb ki, çinli oğlan övladı istədiyi üçün onu tərk edib. Qadın hüquq müdafiə təşkilatı ilə əlaqə saxlayıb. O, keçmiş sevgilisinin qızına dəstək olmaq üçün pul ödəməsini tələb edir. Təşkilatın əməkdaşları onun işinə baxsalar da, hələlik təfərrüatları açıqlamayıblar.