Putinin seçimi: Tramp yoxsa, Bayden?

Rusiya prezidenti Vladimir Putin Ağ Evdə Donald Trampdan çox Co Baydenə üstünlük verəcəyini bildirib.

News24.az xəbər verir ki, televiziya müsahibəsində suala cavab verən Putin, Co Baydenin atacağı addımların öncədən təxmin etməyin daha asan olduğunu bildirib.

Rusiya lideri ABŞ-ın hazırkı prezidenti üçün “daha təcrübəli” ifadəsini işlədib.

Xatırladaq ki, 2016-cı ildə prezidentlik yarışından əvvəl Putin Donald Trampı “qeyri-adi insan və istedadlı” adlandırıb.

ABŞ prezidenti Co Bayden Ukraynanı işğal etdikdən sonra Putin haqqında sərt ifadələr işlədib.

Yayımlanan müsahibədə Putin, Baydenin rəhbərliyinin Rusiya üçün daha yaxşı olacağını müdafiə edib.

Rusiya liderinə Baydenin yaşı ilə bağlı aparılan müzakirələr də soruşulub.

Putin burada da Co Baydeni müdafiə etdi və "2021-ci ildə görüşəndə qəribə heç nə görmədiyini" söyləyib.

“Bəli, görüş zamanı qeydlərinə baxırdı, amma düzünü desəm, mən də belə edirdim. Deməli, qəribə heç nə yox idi", - Putin görüş haqqında təəssüratını belə təsvir edib.

Vladimir Putin əlavə edib ki, ölkəsi “Amerika xalqının etimadını qazanan” və prezidentliyə qalib gələn hər kəslə işləyə bilər.

Günel Məlikzadə