Bank of Baku kompensasiya ödənişlərinə başladı

Ölkənin innovativ bankı Bank of Baku, 22 aprel tarixindən etibarən Azərbaycan Respublikası Prezidenti Cənab İlham Əliyevin “Azərbaycan Respublikasında fiziki şəxslərin problemli kreditlərinin həlli ilə bağlı əlavə tədbirlər” haqqında imzaladığı fərmana əsasən, kompensasiya ödənişlərinə start verdi.

News24.az xəbər verir ki, ilkin mərhələdə 500 AZN-dən aşağı (500 AZN daxil olmaqla) kompensasiya alan müştərilərə ödəniş edən Bank, kompensasiya ödənişlərinin ilk günündə - yəni 22 aprel tarixində ümumilikdə 3714 nəfər müştəriyə kompensasiya ödəyib. Bank bildirib ki, kompensasiyası 500 AZN-dən yüksək olan müştərilərin ödənişləri yaxın zamanda növbə prinsipinə əsasən ödəniləcək.

Bank ilk kompensasiya alan müştərisini də təyin edib. Elnur Talıblı adlı müştəri bankdan aldığı dollar kreditinə görə hesablanmış kompensasiya məbləğini əldə edərkən, ölkə başçısı Cənab İlham Əliyevə vermiş olduğu qərar üçün təşəkkürünü bildirib. 

Hal-hazırda bankın region və Bakı filialları gücləndirilmiş iş rejiminə keçərək müştərilərin xidmətindədir. Qeyd edək ki, müştərilər kompensasiya ödənişlərinin veriləcəyi filial və tarix haqqında SMS və ya zəng vasitəsilə məlumatlandırılacaq. Telefon nömrəsini dəyişmiş müştərilərə Bankın 145 Məlumat Mərkəzi ilə əlaqə saxlayaraq, yeni telefon nömrələrini təqdim etmələri tövsiyyə olunur. 

Müştərilər xarici valyuta kreditləri üzrə hesablanmış kompensasiya məbləği və restrukturizasiya məlumatını Azərbaycan Respublikasının Maliyyə Bazarlarına Nəzarət Palatasının təqdim etdiyi portala ( HYPERLINK "https://pk.fimsa.az/az/kompensasiya" https://pk.fimsa.az/az/kompensasiya) daxil olaraq əldə edə bilərlər.