"İnanılmaz sevişmə səhnəsi idi" - Türkan Şoray

Türk kinosunda "Sultan" ləqəbi ilə tanınan Türkan Şorayın son müsahibəsindəki açıqlamaları gündəm olub. Müjdat Gezenin verilişində qonaq olan əfsanəvi aktrisa "Mine" filmindəki sevişmə səhnələrindən söz açıb.

News24.az Publika.az-a istinadən xəbər verir ki, “Şoray qanunları” ilə tanınan "Yeşilçam" ulduzu sevişmə səhnəsini qəbul etmədiyi üçün onun yerinə Müjde Arın gətirildiyini bildirib.

"Minedə bütün məsələ bir səhnə var, ora gəlir (...) Qadını dəli edirlər, deyirlər ki, sən onunla oldun, bizimlə də ol. Təzyiqlərdən sonra o, yazıçının evinə gedir və "Səninlə birlikdə olmaq istəyirəm" deyir. Ondan sonra çox gözəl sevişmə səhnəsi..." , - aktrisa qeyd edib.

Aparıcının "Tərəf müqabilinizi kim oynayırdı?" sualına isə Türkan gözlənilməz cavab verib:

"Cahan Ünal, bundan sonra mənim ərim oldu. Atıf Yılmaza ürəyimdə deyirəm ki, səni öldürəcəm. Sevişmə səhnələri çəkildi. "Türkan Qanunları"nı özümüz ləğv etdik".

Türkan Şoray müsahibəsində “Ah Güzel İstanbul” filmindəki ssenarini çox bəyəndiyini deyərək “Kadir İnanır səfərdən gəlir, amma inanılmaz bir sevişmə səhnəsidir... Mən bacarmıram dedim... Sonra Müjde Ar oynadı və o filmlə populyarlaşdı".

Türkan Şoray həm də qeyd edib ki, utancaq olduğu üçün öpüş və intim səhnələrin çoxunda çəkilməkdən imtina edib. Onun bu qərarını jurnalistlər mediada "Türkan Qanunları" başlığı ilə qələmə veriblər.