Yaşayış binasında partlayış: Ölənlər var

Fransanın paytaxtı Parisdə yaşayış binasının 7-ci mərtəbəsindəki mənzildə baş verən partlayışda 3 nəfər həyatını itirib.

News24.az xəbər verir ki, bu barədə yerli mətbuat məlumat yayıb.

Bildirilib ki, paytaxt Parisin 11-ci məhəlləsində yaşayış binasının 7-ci mərtəbəsindəki mənzildə naməlum səbəbdən partlayış baş verib. 

Partlayış nəticəsində 3 nəfər dünyasını dəyişib. Əraziyə təcili tibbi yardım və yanğınsöndürmə briqadaları göndərilib. Yanğın qısa zaman ərzində söndürülüb.

Təxliyə edilən bina sakinlərinin 2 saatdan sonra evlərinə qayıdacaqları bildirilib.