May-iyunda əhalini CİDDİ TƏHLÜKƏLƏR gözləyir - XƏBƏRDARLIQ

Hazırkı 11 illik dövrünün bir hissəsi olaraq Günəş bu il pik aktivliyinə çatacaq. 

News24.az Lent.az-a istinadla məlumatına görə, alimlərin fikrincə, bu, ayda bir neçə dəfə maqnit qasırğalarına səbəb ola bilər.

“Biz gözləyirik ki, 2024-cü il artıq maksimum günəş aktivliyi ili olacaq. Bu, böyük partlayışşlar, böyük maqnit qasırğaları deməkdir, ona görə də, ümumiyyətlə, 2024-cü illə 2023-cü ili müqayisə etsək, istənilən proqnozlara görə, daha aktiv olacaq. Həm məşəl aktivliyi, həm də geomaqnit aktivliyi baxımından”, - Rusiya Elmlər Akademiyasının Kosmik Tədqiqatlar İnstitutunun və Günəş-Yer Fizikası İnstitutunun Günəş astronomiya laboratoriyasının rəhbəri Sergey Boqaçov bildirib.

O xatırladıb ki, günəş partlayışlarını və maqnit qasırğalarını dəqiq proqnozlaşdırmaq mümkün deyil, yalnız 2024-cü ildə gözlənilən geomaqnit vəziyyətində ümumi tendensiyalardan danışmaq olar. Bəzi alimlərin proqnozlarına görə, qarşıdakı ildə Günəşdə 2023-cü ilə nisbətən daha güclü partlayışlar gözlənilir.

May-iyun aylarında Yer kürəsində maksimum günəş aktivliyi və maqnit qasırğaları gözlənilir və ilin sonuna qədər aktivlik azala bilər.

“Bəzi geomaqnit dalğalanmaları hər həftə baş verəcək. Ümumilikdə nəzərə çarpan qasırğalar, məncə, ayda 2-3 dəfə olacaq”, - mütəxəssis qeyd edib.

Düzdür, bəzi amerikalı alimlər 2024-cü ilin nisbətən “sakit” olacağını və maksimum günəş aktivliyinin 2025-ci ildə baş verəcəyinə inanırlar.

Xatırladaq ki, Yer kürəsində ən güclü maqnit qasırğaları sonuncu dəfə 2005-ci ildə qeydə alınıb. Digər tərəfdən, nəzərə almaq lazımdır ki, böyük günəş alovları heç də həmişə güclü qasırğalarla müşayiət olunmur.

Onu da qeyd edək ki, güclü günəş partlayışı 2024-cü il yanvarın 1-nə keçən gecə baş verib - ona X5,0 balla qiymət verilib (C - zəif alovlar, M - mülayim, X - güclü və hərfdən sonrakı rəqəm də məşəlin gücü), bu, əvvəllər birinci yeri tutan (14 dekabr 2023-cü ildə baş vermiş) X2.8 məşəlindən təxminən iki dəfə böyükdür. Daha böyük hadisə, yəni X8.2 alovu 2017-ci il sentyabrın 10-da baş verib.