"Türkiyə ilə hərbi-siyasi ittifaqı möhkəmləndirməlidir" - Zahid Oruc

Azərbaycan dövlətinin sanksiyalara cavabı Böyük qayıdışı gücləndirməsi, delimitasiyasını addım-addım irəliyə aparması, regionda sülhü qazanması olmalıdır.

News24.az-ın məlumatına görə, bunu parlamentin İnsan haqları komitəsinin sədri Zahid Oruc mayın 7-də, Milli Məclisin plenar iclasında çıxışı zamanı deyib.

O qeyd edib ki, sanksiyalara cavab kimi həmçinin Azərbaycan qardaş Türkiyə ilə hərbi-siyasi ittifaqı möhkəmləndirməlidir.

Millət vəkili əlavə edib ki, dünya 90-cı illərdə məğlub olan ölkə ilə indi Zəfər qazanan Azərbaycanı müqayisə edirlər. 

"Bizdən xarici siyasəti dəyişməyi tələb edirlər. Bizim sanksiyalara cavabımız iqtisadiyyatımız gücləndirmək, böyük qayıdışımızı sürətləndirməkdir".

Şəhanə