Bakı dairəvi dəmir yolunun elektrik təchizatı sistemi yenidən qurulur - FOTO

Azərbaycan Respublikası Prezidenti İlham Əliyevin 2018-ci lin  mart ayında imzaladığı “Bakı şəhərətrafı dəmir yolu xəttinin layihə-smeta sənədlərinin hazırlanması, əsaslı təmiri və tikintisi ilə bağlı tədbirlər haqqında” sərəncama əsasən işlər davam edir. Hazırda bir sıra istiqamətdə işlər aparılır.

"Azərbaycan Dəmir Yolları" QSC-nin mətbuat xidmətindən News24.az-a verilən məlumata görə, İnfrastruktur Departamentinin "Əsaslı Təmir" Məhdud Məsuliyyətli Cəmiyyəti tərəfindən Bakı dairəvi yolunda elektrik təchizatı sistemi yenilənir.

MMC-dən verilən məlumata görə, Nərimanov stansiyasından Sabunçu stansiyasına qədər olan dəmir yolu xəttində 73 ədəd qəzalı kontakt şəbəkəsi dayaqları yenisi ilə əvəz olunub. Sabuncu stansiyasinda 30 ədəd yeni kontakt şəbəkəsi dayağı qoyulmuş və 8 ədəd rigel quraşdırılıb, kontakt şəbəkəsi çəkilib və nizamlanıb.

Təmir işləri davam edir.