BMT-nin mənzil-qərargahındakı bayraqlar yarıya endirildi

BMT-nin (BMT) Nyu-Yorkdakı mənzil-qərargahında təşkilatın emblemindən ibarət bayraqlar yarıya qədər endirilib.

News24.az publika.az-a istinadla xəbər verir ki, qərar bazar günü helikopter qəzasında həlak olan İran Prezidenti, xarici işlər naziri və onların nümayəndə heyətinin xatirəsinə ehtiram əlaməti olaraq verilib.

Xatırladaq ki, mayın 19-da İbrahim Rəisinin helikopteri İranın Verzeqan şəhəri yaxınlığında qəzaya uğrayıb. Hadisə nəticəsində helikopterinin bütün sərnişinləri və ekipaj üzvləri həlak olub.