Stressin gözlərə mənfi təsiri

Stress göz sağlamlığını pozur. 

News24.az "Unikal"a isitnadən xəbər verir ki, belə ki, stress şəraitində bədəndə ümumi iltihab artır, quru göz sindromunun provokatoru kimi çıxış edir, gözyaşardıcı mayenin keyfiyyətinin və ya miqdarının azalması nəticəsində xəstəlik yaranır.

Kolorado Universitetinin Tibb Məktəbindən oftalmoloq Darren Qreqorinin sözlərinə görə, həkim uzun iş saatlarının, qeyri-kafi yuxunun və iş və sosial həyatı tarazlaşdırmaqda çətinlik çəkməyin emosional stressə səbəb ola biləcəyini izah edib. Bu zaman gərginlik toplana bilər və bütün bədənə, o cümlədən görmə orqanlarına əhəmiyyətli dərəcədə fizioloji mənfi təsir göstərə bilər.

Stressin səbəb olduğu bədəndə ümumi iltihab nəticəsində insanın immun sisteminin mühüm tərkib hissəsi olan ağ qan hüceyrələri (leykositlər) gözlərin səthində toplanır və xüsusi kimyəvi maddələr ifraz etməyə başlayır. Bu birləşmələr yanma və sancmanın, gözlərdə qum hissi, qızartı və vizual iş zamanı sürətli yorğunluğun səbəbidir.

Bundan əlavə, stress bütün bədəndə ağrıya həssaslığı artıra bilər. Bu səbəbdən, emosional yüklənmə dövrlərində quru göz sindromunun əlamətləri daha kəskin şəkildə hiss oluna bilər.