İsrail bu ölkəyə hücum planını TƏSDİQLƏDİ

İsrail Müdafiə Qüvvələri (IDF) bu gün Livanda hücum üçün döyüş planlarını təsdiqləyib.

News24.az Publika.az-a istinadla xəbər verir ki, bu barədə IDF məlumat yayıb.

Bildirilib ki, Şimal Hərbi Dairəsinin komandanı Ori Qordin və Baş Qərargahın əməliyyat şöbəsinin rəisi Oded Basyuk döyüş planlarını təsdiqləyib və İsrailin Şimal Komandanlığında vəziyyəti qiymətləndiriblər.

"Onlar Livanda hücum üçün hərbi planları təsdiqlədilər və təsdiq etdilər, həmçinin yerdəki qoşunların döyüş hazırlığını təkmilləşdirməyi davam etdirmək qərarına gəldilər", - məlumatda vurğulanıb.

Bundan əvvəl İsrailin baş naziri Benyamin Netanyahu nazirlərə 2023-cü il oktyabrın 7-də HƏMAS hücumundan sonra yaradılmış hərbi kabinetin buraxılması barədə məlumat verib.