"Bakı Fond Birjası"nın dövriyyəsi 2 dəfədən çox artdı

Bu ilin yanvar-iyun aylarında "Bakı Fond Birjası" QSC-də (BFB) bütün maliyyə alətləri üzrə bağlanmış əqdlərin ümumi dəyəri 17 milyard 651,527 milyon manat təşkil edib.

News24.az “Report”-a  istinadən xəbər verir ki, bu, ötən ilin eyni dövrünə nisbətən 2,3 dəfə çoxdur.

Son 1 ildə bağlanmış əqdlərin sayı isə 33,7 % artaraq 7 053 olub.

BFB-nin dövriyyəsinin 72,7 %-i, yaxud 12 milyard 825,129 milyon manatı repo əməliyyatları üzrə əqdlərinin payına düşüb. Bu, illik müqayisədə 3,3 dəfə çoxdur.

Hesabat dövründə dövlət qiymətli kağızlar bazarı üzrə əqdlərin dəyəri 14,7 % artaraq 3 653,513 milyon manat, korporativ qiymətli kağızlarının dəyəri isə 72,4 % artaraq 1 milyard 172,885 milyon manat olub.