Almaniya kanslerinin ofisi yaxınlığında bıçaqlanma

Almaniyanın paytaxtı Berlində Federal Kansler Ofisinin cəmi bir neçə yüz metrliyində bıçaqlanma nəticəsində azı 4 nəfər yaralanıb.

News24.az Teleqraf.com-a istinadla xəbər verir ki, bu barədə “Bild am Sonntag” qəzeti yazıb.

Nəşrin məlumatına görə, polis şübhəli şəxsi Berlin mərkəzi stansiyasının yaxınlığında saxlayıb. Yaralılar xəstəxanalara çatdırılıb. Hadisə yerinə xilasedicilər, helikopter cəlb olunub.

Hadisənin təfərrüatı açıqlanmayıb.