iPhone 16-nın əsl görüntüsü yayıldı - FOTO

Apple-ın sentyabrda yeni nəsil iPhone modellərini təqdim edəcəyi gözlənilir.

News24.az xəbər verir ki, bu kontekstdə dörd modelin təqdim olunması mümkün görünür. Nəhayət, sosial mediada iPhone 16 olduğu iddia edilən cihazın ilk görüntüləri yayılıb. Fotolar yeni rəng seçimlərini və yeni arxa kamera dizaynını ortaya çıxardıb.

iPhone 16-nın şəkilləri onun ağ, qara, mavi, yaşıl və çəhrayı rəng seçimlərində olacağını təsdiqləyir. Bu kontekstdə Apple keçən ilki iPhone 15-in sarı rəngindən imtina etmiş kimi görünür. Arxa tərəfdəki kameralar da diaqonal olaraq deyil, şaquli olaraq yerləşdirilib.

Qeyd edək ki, yeni kamera qurğusu iPhone 16-nın texniki məhdudiyyətlərə baxmayaraq, hazırda yalnız iPhone 15 Pro modelləri ilə məhdudlaşan Spatial Video dəstəyi əldə etməyə imkan verəcək. Spatial Video funksiyası Vision Pro kimi cihazlarda videolara 3D baxmağa imkan verir.

Günel Məlikzadə