Avropada az pulla harada istirahət etmək olar?

Avropada dənizkənarı istirahət üçün uyğun olan bir çox yer tapa bilərsiniz.

News24.az-ın Lent.az-a istinadən məlumatına görə, 2024-cü ilin yayında Avropanın bir çox şəhərləri turistlərlə dolub, buna görə də istirahət qiymətləri kəlləçarxa çıxıb..  Amma elə yerlər var ki, daha az populyar ola bilər, amma yenə də xarici qonaqlara yaxşı qiymətlər təklif edir.

Büdcəsinə uyğun istirahət axtaran dəniz tətilini sevənlərə Monteneqronun Budva şəhərinə səfər etmək təklif olunur. Çox gözəl çimərliklər və geniş assortimentlər var, buna görə də tistirahətdə cansıxıcı olmayacaqsınız. Budvadakı 35 çimərlikdən 8-i “mavi bayraq”la təltif olunub. Bir gecəlik mənzilin qiyməti orta hesabla adambaşına 32 avrodan başlayır. 700-800 avroya şəhərdə bir ay yaşaya bilərsiniz.

Ekspertlər Alqarveyə (Portuqaliya) getməyi də tövsiyə edirlər. Turistlər üçün əsas yerlər Faro və Laqos kimi şəhərlərdir. Bu istiqamət nisbətən büdcəyə uyğun hesab olunur, məsələn, otel otağını (2 yataq otağı olan) bir gün üçün 67-70 avroya icarəyə götürmək olar, mənzillərin qiyməti isə 85 avrodan başlayır. Üstəlik, Portuqaliya kurortu yeməklərin münasib qiymətləri ilə məşhurdur.

Yayda Korfu adasına (Yunanıstan) da gedə bilərsiniz. Çox gözəl və təmiz çimərliklər, çoxlu attraksionlar, ləzzətli mətbəxi və münasib qiymətləri var. Gecə üçün iki nəfərlik otaq 56 avroya tapıla bilər, ancaq bir apartament və ya mənzil kirayəsi üçün 69 avro ödəməli olacaqsınız.