![Apple üçün 20 milyard dollarlıq TƏHLÜKƏ](/uploads/posts/2024-08/apple-icin-20-milyar-dolarlik-tehlike-x8af.webp)
-
- Bu gün, 21:03
- 41
Apple üçün 20 milyard dollarlıq TƏHLÜKƏ
ABŞ hakiminin Google-un internet axtarışı və axtarış reklamında öz dominantlığını gücləndirmək üçün qanunları pozduğu və qeyri-qanuni monopoliyaya malik olduğuna dair hökm çıxardıqdan sonra Apple-ın Google ilə qazanclı müqaviləsi təhlükə altında ola bilər.
News24.az xəbər verir ki, Wall Street analitiklərinin fikrincə, Google-un antiinhisar cərimələrindən yayınması üçün mümkün həll yolu Google-un Apple cihazlarında standart proqram olması ilə bağlı müqaviləni ləğv etmək ola bilər.
Morgan Stanley analitiklərinin fikrincə, Google bu imtiyaz üçün Apple-a ildə 20 milyard dollar və ya Safari brauzeri vasitəsilə axtarış reklamlarından əldə etdiyi gəlirin təxminən 36 faizini ödəyir.
Analitiklərin hesablamalarına görə, sövdələşmənin iflasa uğraması halında Apple-ın mənfəəti 4-6 faiz azalacaq.
Məryəm İlhamqızı