İsrail Livandan atılan iki PUA-nı ələ keçirdi

İsrail ordusu Livandan göndərilən iki pilotsuz uçuş aparatını (PUA) şimal hava məkanında ələ keçirdiyini açıqlayıb.

News24.az xəbər verir ki, ordudan verilən yazılı açıqlamada PUA-ların İsrailin Yuxarı Qaliley bölgəsinə göndərildiyi qeyd edilib.

Açıqlamada iki PUA-dan birinin İsrail hava məkanında, digərinin isə Livan ərazisində vurulduğu, hücumda can itkisinin və yaralanmanın olmadığı bildirilib.

Digər tərəfdən Livan Hizbullahının verdiyi yazılı açıqlamada İsrailin şimalında Misqav Am Kibbutza qarşı hücumun təşkil edildiyi açıqlanıb.

Qeyd edək ki, “Mavi xətt” adlanan sərhəd bölgəsində Hizbullah ilə İsrail arasında qarşılıqlı hücumlar təxminən 10 aydır davam edir.

Günel Məlikzadə