Tovuz quşunu yeyən "youtuber" SAXLANILDI

Hindistanın Telangana əyalətində yaşayan YouTuber Kumar “tovuz quşu köri” hazırlayıb yeyərkən çəkilmiş videosunu YouTube kanalında paylaşıb.

News24.az bu barədə “The Times of India” qəzetinə istinadən xəbər verir.

Ölkənin milli quşu sayılaraq qorunan tovuz quşunun yeyilməsi görüntülərinə verilən reaksiyalardan sonra polis Kumarın evinə basqın edib.

Polisin verdiyi açıqlamada Kumarın nəzarətə alındığı və ona qarşı Vəhşi Təbiəti Mühafizə Qanununun müvafiq maddələri ilə cinayət işi açıldığı bildirilib.

Sosial media istifadəçiləri Kumarı qorunan heyvanların istehlakını təşviq etməkdə və milli simvola hörmətsizlik etməkdə ittiham ediblər.

Reaksiyalardan sonra video YouTube-dan silinib.

Məryəm İlhamqızı