İş stresi ürək çatışmazlığına səbəb OLA BİLƏR

"İş stresi atrial fibrilasiyanın (Şiddətli çarpıntılar, nəfəs darlığı, sinə ağrısı, başgicəllənmə və nadir hallarda huşunu itirmə və s.- red) inkişaf riskini artıra bilər".

News24.az "Unikal"-a istinadla xəbər verir ki,  bu barədə araşdırma "Journal of the American Heart Association"da dərc olunub. 

Atrial fibrilasiya aritmiyanın ən çox yayılmış formasıdır. Bu, insult, ürək çatışmazlığı və ya digər ürək-damar ağırlaşmalarına səbəb ola bilər.

Amerika Ürək Assosiasiyası 2030-cu ilə qədər ABŞ-də 12 milyondan çox insanın ürək xəstəliyi və insultdan əziyyət çəkəcəyini proqnozlaşdırır. Əvvəlki tədqiqatlar yüksək iş təzyiqi koroner ürək xəstəliyi riskinin artması ilə əlaqələndirdi. Kvebekdəki Laval Universitetinin peşə və ürək-damar epidemioloqu və dosenti Xavier Trudel bildirib ki, bu tədqiqat həm psixososial iş stressorlarının atrial fibrilasiyaya mənfi təsirlərini araşdıran ilk tədqiqatdır.

"Tədqiqatımız göstərir ki, işlə bağlı stressorlar profilaktika strategiyalarına daxil edilməli vacib amillər ola bilər. İşdə psixososial stressorların müəyyən edilməsi və aradan qaldırılması həm fərdlərə, həm də işlədikləri təşkilatlara fayda verən sağlam iş mühiti yaratmaq üçün vacibdir", - deyə Trudel bildirib.