Yaxşılıq etdi, canından oldu

Şanlıurfada 26 yaşlı müəllim Yasin Kayran püstə bağında başından güllə ilə vurulmuş vəziyyətdə tapılıb. Məlum olub ki, Yasin qatili avtostopla götürüb, şübhəli isə müəllimi soyaraq öldürüb.

News24.az baku.ws-ə istinadən bildirir ki, Şanlıurfanın Bozova rayonundakı püstə bağında ölü tapılan müəllim Yasin Kayranın (24) avtomobilinə mindirdiyi narkoman Ahmet Elçi tərəfindən öldürüldüyü məlum olub. Tutulan şübhəli şəxs həbs edilib.

Hadisə bazar günü günorta saatlarında rayonun Hacılar rayonundakı püstə bağında baş verib. Bağda hərəkətsiz yatan şəxsi görən fermerlər onun bədənində qan görərək vəziyyəti 112 Təcili Yardım Mərkəzinə bildiriblər. Xəbər üzərinə hadisə yerinə jandarma və sağlamlıq qrupları sövq edilib. Gələn qruplar həmin şəxsin müəllim Yasin Kayran olduğunu və həyatını itirdiyini müəyyən ediblər. Yeni nişanlandığı öyrənilən Yasin Kayranın cənazəsi Şanlıurfa Ədli Tibb Qurumunda aparılan yarılmadan sonra yaxınlarına təhvil verilərək torpağa tapşırılıb. Cinayətin qurbanı olduğu təsbit edilən müəllimin ölümü ilə əlaqədar olaraq xüsusi olaraq yaradılmış Jandarma Cinayət Axtarış Qrupu (JASAT) qrupları, İl Jandarma Alay Komandiri Briqada Generalı Mücahit Avkıran'ın təlimatı ilə xüsusi araşdırma həyata keçirib.

Qətl şübhəlisi Ahmet Elçinin Kayranın 63 EN 574 dövlət nömrə nişanlı avtomobilini oğurlayaraq hadisə yerindən qaçdığını müəyyən edən JASAT qrupları qanlı paltarda olan Elçini pul kisəsi və cinayət alətləri ilə birlikdə saxlayıb.

Daha sonra Elçi sərxoş olduğu üçün törətdiyi qətli xatırlamadığını iddia edib. Narkotik aludəçisi olduğu iddia edilən Ahmet Elçi jandarmdakı əməliyyatlardan sonra sövq edildiyi növbətçi məhkəmə tərəfindən həbs edilib.