![İŞİD-in 15 yaraqlısı öldürülüb](/uploads/posts/2024-08/img_2697.webp)
-
- Bu gün, 09:00
- 95
İŞİD-in 15 yaraqlısı öldürülüb
Amerika hərbçiləri və İraqın təhlükəsizlik qüvvələri İraqın qərbində İŞİD terror qruplaşmasının 15 silahlısını məhv edib.
News24.az “Report”a istinadən xəbər verir ki, bu barədə ABŞ Hərbi Qüvvələrinin Mərkəzi Komandanlığı məlumat yayıb.
“ABŞ Hərbi Qüvvələrinin Mərkəzi Komandanlığı və İraqın təhlükəsizlik qüvvələri avqustun 29-da səhər saatlarında İraqın qərbində partnyor reydi keçirib və nəticədə İŞİD-in 15 yaraqlısı öldürülüb”, - ABŞ Mərkəzi Komandanlığının “X”dəki səhifəsində yayılan bəyanatda deyilir.
Komandanlıq yaraqlıların çoxsaylı silah, qumbara və partlayıcı kəmərlərlə silahlandığını bildirib.
Qeyd olunur ki, mülki əhali arasında itki yoxdur və əməliyyat İŞİD-in İraqda mülki şəxslərə, habelə vətəndaşlara, müttəfiqlərinə və tərəfdaşlarına qarşı hücumlar planlaşdırmaq, təşkil etmək və həyata keçirmək imkanlarını zəiflətmək məqsədilə qruplaşmanın liderlərinə qarşı yönəlib.