![İlkin nəticələr - Bu şəxslər 7-ci dəfə deputat olacaq…](/uploads/posts/2024-09/9dc3187cc18a1aac255ac6a8740d2ecc.webp)
-
- Dünən, 23:05
- 417
İlkin nəticələr - Bu şəxslər 7-ci dəfə deputat olacaq…
Artıq "Oracle Advisory Group" (ABŞ) 2024-cü ilin 1 sentyabr tarixində keçirilən Milli Məclisə seçkilərin "exit poll" nəticələrini açıqlayıb.
Doğrudur bu, rəsmi və yekun rəqəmlər deyil. Ancaq əksər hallarda yekun rəqəmlər də elə “Exit-poll”un göstəriciləri ilə yaxın olur.
Musavat.com xəbər verir ki, siyahıda 7-ci çağırışda 7-ci dəfə deputat olan 3 nəfər var. Onlar Əsgərov Ziyafət Abbas oğlu, İsmayılov İmamverdi İbiş oğlu və Zabelin Mixail Yuryeviçdir.
Ziyafət Əsgərov Yeni Azərbaycan Partiyasının namizədir. 1 saylı Şərur – Sədərək seçki dairəsindən namizədliyi irəli sürülüb.
İmamverdi İsmayılov Yeni Azərbaycan Partiyasının namizədidir və 125 saylı Zəngilan-Qubadlı seçki dairəsindən deputat seçilir. Əsas rəqibi ötən həftə yol qəzasında dünyasını dəyişən professor Nəsiman Yaqublu idi… İmamverdi İsmayılov rəsmi olmayan nəticələrə görə, 53.8% səs toplayıb.
Mixail Zabelin 34 saylı Xətai İkinci dairədən deputat seçilir. Onun da rəsmi olmayan topladığı səs faizi 67.5 faizdir.