Tarakanları boşqablarına qoyaraq restoranları ALDADIRLAR

Meksikadan olan bir ailə restoranlara gedərək, hesabı ödəmir. Tarakanların köməyi ilə ofisiantları aldadır. 

News24.az bu barədə Oddity Central-a istinadən yazır.

Ofisiantların dediyinə görə, onlar masalarının üstündəki boşqablardan birinə tarakan atıblar və daha sonra müdiri görmək istəyiblər. Müdir ilə söhbətində müştərilər yemək pulu alınmasa, hadisəni ictimaiyyətə açıqlamayacaqlarını bildiriblər.

Restoran müştəriləri qəbul edib, amma bağlanmazdan əvvəl kameraları yoxlayıblar. Görüntülərdən aydın olub ki, ailə üzvlərindən biri özü ilə tarakan gətirib və onu qabın içinə atıb. Bundan sonra müəssisənin nümayəndələri müştərilərin aldatma sxemindən bəhs edən hərəkətlərini əks etdirən videonu onlayn yayımlayıblar.

Tezliklə bu görüntülər sosial şəbəkələrdə yayılıb və şəhərin digər restoranlarının ofisiantları da bu ailənin yemək yedikdən sonra boşqablarında tarakan taparaq onların yanına gəldiyini bildiriblər.

Məryəm İlhamqızı