iPhone 16-nı təqlid edən ilk smartfon

Apple iPhone 16 seriyasını təxminən bir həftə əvvəl elan edib. Bəzi Apple istifadəçiləri qane olmasa da, iPhone 16-nın ən populyar xüsusiyyəti kamera düyməsi idi. Çin Realme isə artıq çoxdan məlum olan iPhone 16 kamera düyməsini təqlid edib.

News24.az xəbər verir ki, Realme-nin vitse-prezidenti və marketinq direktoru Chase Xu Weiboda qısa bir video yayımlayıb.

Videoda diqqət çəkən isə modelin üzərindəki kamera düyməsi olub. 

Çinli Realme, görünür, aylardır haqqında danışılan bu yeniliyi qısa müddətdə təqlid etməyi bacarıb. Qısa videoda yeni iPhone modelləri ilə eyni yerdə yerləşən naməlum Realme modelindəki kamera düyməsi görünür. Videoya əsasən, bu kamera düyməsi iPhone 16 modellərində olduğu kimi kəskinlik və böyütmə kimi tənzimləmələrə də imkan verir. Əlbəttə ki, bu kamera düyməsi iPhone 16 kimi toxunma reaksiyası ilə işləyir.

Proqnozlara görə, Realme bu xüsusiyyəti flaqman modelində təqdim edəcək.

Günel Məlikzadə