Mətbəxdə gizli təhlükə zəhər yayır

Mətbəxdə yemək bişirərkən hər kəs adətən doğrama taxtasından istifadə edir. Plastik doğrama lövhələri sağlamlığa təhlükə yarada bilər.

News24.az xəbər verir ki, ümumiyyətlə hər kəsin mətbəxində rast gəlinən doğrama lövhələri sağlamlıq üçün son dərəcə risklidir. Mütəxəssislər plastik olanlar yerinə taxta doğrama lövhələrdən istifadə etməyi məsləhət görürlər.

Kəsmə taxtasını təmizlədikdən sonra taxta lövhələrdə bakteriyaların 3 dəqiqə ərzində 99,9%-nin yox edildiyi, plastik kəsici lövhələrdəki bakteriyaların isə təmizlənməyə baxmayaraq yox edilmədiyi müşahidə edilib. Həmçinin, lövhədəki bakteriyalar çoxalıb.

Bəs kəsmə taxtalarını necə təmizləmək lazımdır?

Kəsmə taxtasını təmizləmək üçün bir neçə vacib addım var:

İstifadə edərkən lövhəni həmişə təmiz saxlamağa diqqət edin. Ət, tərəvəz və meyvələr üçün ayrıca lövhələrdən istifadə etmək gigiyena baxımından yaxşıdır.

Lövhəni isti su və sabunla yuyun. Fırça və ya süngər istifadə edərək səthdən qida qalıqlarını yaxşıca təmizləyin.

Bol su ilə yuyun və lövhədəki sabunu tamamilə çıxarın.

Təmizlənmiş lövhəni dərhal quru parça və ya dəsmal ilə silin. Quruması üçün şaquli olaraq yerləşdirin. Lövhənin uzun müddət nəmli qalması bakteriyaların böyüməsinə səbəb ola bilər.

Xüsusilə ət və toyuq kimi məhsullarla istifadə edilmişsə, taxtanın dezinfeksiya edilməsi vacibdir. Bunun üçün sirkə və ya limon suyu istifadə edə bilərsiniz. Lövhənin səthini sirkə və ya limon suyu ilə silin, bir müddət buraxın və sonra yuyun.

Bu addımları mütəmadi olaraq yerinə yetirməklə, kəsmə taxtanızı gigiyenik və uzun ömürlü saxlaya bilərsiniz.

Günel Məlikzadə