Meşə yanğınları: Ölən və yaralananlar var

Portuqaliyanın şimalındakı Porto şəhərində meşə yanğınları baş verib.

News24.az xəbər verir ki, ölkənin Daxili İşlər Nazirliyi son 24 saatda Portonun cənubundakı Aveiro bölgəsində sürətlə yayılan meşə yanğınları nəticəsində biri yanğınsöndürən olmaqla 3 nəfərin öldüyünü açıqlayıb.

30-dan çox yerdə aktivləşən yanğınlarda 3-ü ağır olmaqla 20 nəfərin xəsarət aldığı açıqlanıb.

Qeyd olunub ki, Portuqaliya hökumətinin Avropa İttifaqından (Aİ) müraciətindən sonra Avropa Mülki Müdafiə Mexanizmi fəaliyyətə başlayıb. İspaniya, İtaliya, Fransa və Yunanıstandan ümumilikdə 8 yanğınsöndürmə təyyarəsi göndərilib.

Yanğın bölgəsindəki yerli hakimiyyət orqanları səkkiz magistralın nəqliyyat üçün bağlandığını və yaşayış məntəqələrinin boşaldıldığını bildirib.

Günel Məlikzadə

News24.az

Qaynar xətt: 099 270 7777