Bir işarəyə görə qətlə yetirildilər: Öldürən foto

Braziliyada 25 yaşlı Rayane Alves və onun bacısı 28 yaşlı Rithiele Alves şənbə günü səhər saatlarında festivaldan çıxandan sonra qardaşları da daxil olmaqla iki kişi ilə birlikdə qaçırılıb.

News24.az xəbər verir ki, polisin verdiyi açıqlamada bacıların "Komando Vermelho" adlı dəstə tərəfindən qaçırılaraq işgəncələrə məruz qaldıqları bildirilib.

Bildirilib ki, dəstə üzvləri bacılara bıçaqla işgəncə verib, saçlarını və barmaqlarını kəsiblər.

Qardaşları xilas ola bilib və polisə məlumat verib. Polis evə basqın edərək otaqlardan birində Rayane və Rithieleni ölü tapıb.

Polis rəsmiləri qızları qaçıran dəstənin fotoda rəqib "Primeiro Comando da Capital" dəstəsinə aid əl işarəsi etdiklərini düşündükləri üçün onların ölüm əmri verdiyini bildirib.

Bildirilib ki, gənc qızlar ölməzdən əvvəl 3 saat işgəncəyə məruz qalıblar. Polis rəsmisi deyib ki, qurbanlar bir otaqda saxlanılıb, sonra bir-bir çıxarılaraq işgəncələrə məruz qalıb.

Qeyd edək ki, Rayane Alves, onun bacısı və qardaşının hər hansı cinayət təşkilatı ilə əlaqəsi olduğuna dair heç bir sübut yoxdur.

Günel Məlikzadə
News24.az