Kölndə ikinci partlayış - FOTO

Almaniyanın Köln şəhərində sentyabrın 16-da baş verən partlayışdan bir neçə gün sonra ikinci partlayış baş verib.

News24.az xəbər verir ki, səhər saatlarında Ehren küçəsindəki geyim mağazasının qarşısına qoyulan bomba partlayıb. Partlayış nəticəsində 1 nəfər yüngül yaralanarkən, binanın girişində dağıntılar baş verib.

Partlayışdan sonra başlayan yanğını yanğınsöndürənlər qısa müddətdə söndürüb. Hadisənin baş verdiyi ərazi piyadaların və avtomobillərin hərəkəti üçün bağlanıb.

Qeyd edək ki, Köln polisi bazar ertəsi partlayışla bağlı hücumçunun fotosunu dərc edib. Fotoda bomba qoyan şəxs əlində çanta ilə görünür.

Həmin fotonu təqdim edirik:

Günel Məlikzadə