"Səmədlə bir-birinizə "qoca, kaftar" deyirdiniz" - QALMAQAL

Əməkdar artist Bəsti Bəkirova və müğənni Sevda Əliqızı arasında efirdə qalmaqal yaşanıb. Onların davası mərhum Xalq artisti Səməd Səmədovla bağlı olub. 

News24.az Lent.az-a istinadla xəbər verir ki, Bəsti  Bəkirova Səməd Səmədovla duet ortaqlığına pula görə son qoyduğunu deyib:

 "4 il duet ortağı olduq. Gəncədə toy danışmışdıq. Səhər saat 4-ə kimi toy oxumuşdum, sonda gətirib mənə qat-qat az verdi. Dedim ki, bu azdır, o da dedi, istəmirsən get. Məni qane etmədi, davasız, şavasız getdim".

Bəsti Bəkirovanın sözlərinə proqramda qonaq olan müğənni Sevda Əliqızı etiraz edəndə Bəsti Bəkirova sərt reaksiya verib. "Səmədlə ayrılanda ona "kaftar" belə deyirdin. O isə sənə "qoca" deyirdi. Bir-birinizə dəfələrlə "qoca, kaftar" dediniz” deyib.

Bəsti Bəkirovanın bu açıqlaması ilə studiyada dava düşüb.