Əfsanəvi ABBA qrupunun üzvü öldü

İsveçin əfsanəvi ABBA pop qrupunun nağara ifaçısı Rocer Palm 76 yaşında vəfat edib.

News24.az Publika.az-a istinadla xəbər verir ki, bu barədə “Aftonbladet” məlumat yayıb.

Musiqiçi şənbə günü, sentyabrın 21-də dünyasını dəyişib. Ailəsi Palmın ölüm səbəbinin Alzheimer xəstəliyinin ağırlaşmaları olduğunu açıqlayıb.

"O, hər zaman dostlarının və ailəsinin müdafiəsinə qalxan istiqanlı və təvazökar bir insan idi. Hamımız onun üçün çox darıxacağıq. Geridə böyük bir boşluq buraxdı. Hamımız onu isti ürəklə xatırlayacağıq", - sənətçinin ailəsi açıqlamasında bildirib.

Rocer Palm 1949-cu ildə anadan olub. O, “Gimmicks”, “Beatmakers” və “Moonlighters” kimi qruplarda ifa edib. Lakin daha çox ABBA-nın nağaraçısı kimi tanınırdı.