Planşet təyyarədə tüstüyə SƏBƏB OLDU

ABŞ-da təyyarənin göyərtəsində fövqəladə hadisə baş verib - sərnişinlərdən birinin planşeti yanıb. 

News24.az xəbər verir ki, bu barədə “Fox 12” telekanalı məlumat yayıb.

Hadisə ilə bağlı məlumatı Havay ştatının Honolulu şəhərindən Oreqon ştatının Portlend şəhərinə uçan təyyarənin ekipaj üzvləri verib. Uçuş Havay Hava Yolları tərəfindən həyata keçirilib. 

Uçuş bələdçiləri bildiriblər ki, şirkətin müştərilərindən birinin iPad-i həddindən artıq qızıb və yanmağa başlayıb. Bu səbəbdən içərini tüstü bürüyüb. Yanğına baxmayaraq, təyyarə təyinat hava limanına uğurla enib.

KİV-in məlumatına görə, 280 sərnişin və 10 ekipaj üzvündən heç biri tibbi yardım istəməyib.

Məryəm İlhamqızı