“Qarabağ”dan afrikalı qızların hərəkətinə REAKSİYA: “Bu, təbii sevgidir” - VİDEO

“Qarabağ”ın futbolçuları Afrikadan sevgi mesajı alıb.

News24.az Sportinfo.az-a istinadla xəbər verir ki, “qara qitə”dən olan bir neçə yeniyetmə qız Azərbaycan çempionunu sevdiklərini dilə gətirib.

Maraqlıdır ki, onlar bunu Azərbaycan dilində edib: “Qarabağ”, səni sevirik”.

Video Zaqreb “Dinamo”su ilə oyunlardan əvvəl yayımlanıb ki, fonda Çempionlar Liqasının himni çalınıb.

Görünür, həmin vaxt ya klubdan kimsə, ya da hansısa azarkeş xeyirxah addım ataraq, Bakıdan Afrikaya yardım göndərib. Qızlar da bunun qarşılığını video hazırlamaqla verib.

Görüntülər sosial şəbəkə platformalarında maraqla qarşılanıb.

“Qarabağ”ın mətbuat xidmətinin rəhbəri Anar Hacıyev saytımıza açıqlamasında bütün bu deyilənlərə aydınlıq gətirib:

“Bu aksiya bizim təşəbbüsümüzlə olmayıb. Dostlar “insagram”da yayılan görüntüləri nənə də göndəriblər.

Normal yanaşırıq. Bu, təbii sevgidir”.