Rusiyada "Şeytan II" fəlakəti: 60 metrlik krater əmələ gəldi

Rusiyanın Qərbdə “Şeytan II” kimi tanınan qitələrarası “Sarmat” ballistik raketi sınaq zamanı “fəlakətli uğursuzluq”la üzləşib.

News24.az xəbər verir ki, peyk görüntülərində aparılan təhlillərə görə, raket sınaq zamanı partlayıb.

Sentyabrın 21-də qeydə alınan peyk görüntüləri Rusiyanın şimalındakı Plesetsk kosmodromunda eni təxminən 60 metr olan krateri göstərir.

Yeni görüntülər ayın əvvəlində çəkilmiş şəkillərdə görünməyən böyük ziyanı ortaya qoyur.

Qeyd edək ki, RS-28 Sarmat qitələrarası ballistik raketi Rusiyanın nüvə arsenalının modernləşdirilməsində mühüm silah kimi seçilir.

Rusiyanın nüvə silahı səylərini təqib edən Rusiya Nüvə Qüvvələri layihəsinin rəhbəri, analitik Pavel Podviq, “Göstərilənlərə görə, 19-23 sentyabr 2024-cü il tarixləri arasında həyata keçirilməsi planlaşdırılan Sarmat qitələrarası ballistik raketinin buraxılış sınağı baş verən dağıntılar raketin silosda partladığını göstərir" dedi.

Raket ABŞ və ya Avropada minlərlə kilometr uzaqlıqdakı hədəfləri vurmaq üçün nəzərdə tutulmuşdu, lakin onun inkişafına gecikmələr və sınaq uğursuzluqları mane oldu.

35 metr uzunluğunda, 18 min kilometr mənzilli raketin sınaq zamanı niyə partladığı hələlik məlum deyil.

Günel Məlikzadə