Çinli turistin başına oyun açdılar - görün nələr etdilər...

Çindən Türkiyəyə turistik səfərə gələn Pu W. Kadıköydə gəzərkən Murat B. ilə qarşılaşıb. 

News24.az xəbər verir ki, görüşmək üçün ona yaxınlaşan Murat B.-nin təklifini rədd edən gənc qadın yoluna davam edib.

Murat B. mənfi reaksiyasına baxmayaraq gənc qadını izləməyə davam edib. İddiaya görə, uzun təqibdən sonra qəfildən Pu W.-ya hücum edərək onu yerə yıxıb. Gənc qadının ağzını bağlayaraq bədəninə toxunmağa başlayan təcavüzkar, qadının böyük qorxu içində qışqırması zamanı təlaşa düşüb.

Pu W-nin qışqırıqlarını eşidən ətrafdakı satıcılar və vətəndaşlar tez köməyə qaçıblar. Hücum edən Murat B. hadisə yerindən qaçmağa çalışsa da, ətrafdakılar tərəfindən yaxalanaraq polisə təhvil verilib.

Polis tərəfindən saxlanılan Murat B. ifadəsində sərxoş olduğunu və hadisə anını xatırlamadığını iddia edib. Lakin prokurorluq Murat B.-nin turist qadının bədəninin müxtəlif hissələrinə toxunduğunu və cinsi təcavüzü davam etdirməyə çalışdığını müəyyən edib. Bu təsbitlər nəticəsində şübhəli şəxsə qarşı 12 ilə qədər həbs cəzası tələbi ilə iddia qaldırılıb.

Qeyd edək ki, Kadıköydəki bu hadisə küçələrin təhlükəsizliyi ilə bağlı ciddi narahatlıqları bir daha gündəmə gətirib.

Məryəm İlhamqızı