Dekorativ şamlardan paltarı yandı - xəstəxanaya yerləşdirildi

Dekorativ şamlardan paltarını yandıran qadın yanıq xəsarətləri ilə xəstəxanaya yerləşdirilib.

News24.az bu barədə Daily Mail-ə istinadən xəbər verir.

KİV-in məlumatına görə, İspaniyada bir qadın dostlarının toyunda yaralanıb. Costa del Solda yerləşən kirayə mənzildə şənlik zamanı onun paltarı vanna otağındakı dekorativ şamlardan alovlanıb. Dostları onu yarı huşsuz vəziyyətdə tapıb və təcili yardım çağırıblar.

Qadın Malaqadakı ən yaxın tibb mərkəzinə aparılıb, həkimlər ona ilkin tibbi yardım göstərib və təcili əməliyyat ediblər. Yerli sakinlərin sözlərinə görə, 29 yaşlı zərərçəkənin ayaqları və bədənindən ciddi yanıq xəsarətləri alıb. İrlandiyalı qadın hazırda ciddi həkim nəzarətindədir.

Mütəxəssislər qeyd ediblər ki, toy iştirakçıları açıq yanğın mənbələrindən istifadə edərkən lazımi ehtiyat tədbirləri görməyiblər. Polis hadisə ilə bağlı araşdırmalara başlayıb, lakin hazırda hadisənin mümkün şübhəliləri və ya icraçıları barədə məlumat yoxdur.

Məryəm İlhamqızı