Samsung qulaqlığı qızın qulağında PARTLADI

Türkiyədə “Samsung Galaxy Buds FE” qulaqlığı istifadəçinin qulağında partlayıb və nəticədə geri dönməz eşitmə itkisi yaranıb. Lakin o, Cənubi Koreyanın İT nəhəngindən heç bir təzminat ala bilməyib. 

News24.az xəbər verir ki, sevgilisinə Galaxy Buds FE hədiyyə edən istifadəçi qulaqlığın heç bir nasazlıq işarəsi olmadan partladığını iddia edib. 

O, qulaqlıqları və qutunu “Samsung” servis mərkəzinə aparıb, lakin kömək etmək və baş verənlərin səbəblərini izah etmək əvəzinə, ona yalnız nasaz cihazı dəyişdirməyi təklif ediblər. 

Zərərçəkənin sevgilisi məhkəməyə gedib ədalət axtarmaq niyyətini açıqlayıb.

Bununla əlaqədar olaraq, Samsung-un hadisə ilə bağlı hərtərəfli araşdırma aparacağı və gələcəkdə Galaxy Buds FE ilə oxşar insidentlərin qarşısını almaq üçün tədbirlər görəcəyi gözlənilib.

Məryəm İlhamqızı